Talet på sysselsette har auka med 55.000 det siste året

I oktober utgjorde dei arbeidslause 4,0 prosent av arbeidsstyrken, justert for sesongvariasjonar. Dette er uendra frå juli.

• LES OGSÅ: Venter lavere ledighet de neste to årene

Arbeidskraftundersøkinga (AKU) viser at det var 114 000 arbeidslause personar i oktober justert for sesongvariasjonar. Dette er om lag det same som i juli.

Små endringar

Ifølgje AKU blei det 13.000 fleire sysselsette frå juli  til oktober, justert for sesongvariasjonar, og det svarer til ein auke i sysselsettingsprosenten på 0,2 prosentpoeng.

Dette er isolert sett innanfor feilmarginen i AKU, men i tråd med ein stigande trend.

• LES OGSÅ: ​Ein stor del av auken gjeld menn over 25 år

Ifølje tal frå det europeiske statistikkbyrået, Eurostat utgjorde dei arbeidslause 6,7 prosent av arbeidsstyrken i oktober i EU sett under eitt.

Det er ein nedgang på 0,1 prosentpoeng frå juli. Det er store skilnader mellom EU-landa i nivået på arbeidsløysa. Endringane i landa frå juli til oktober har vore små.