Fleire sysselsette

Den sesongjusterte arbeidsløysa var på 3,9 prosent i februar. Ifølgje Arbeidskraftundersøkinga (AKU) gjekk det sesongjusterte talet på sysselsette opp med 21.000 personar frå november (gjennomsnitt oktober-desember) til februar (gjennomsnitt januar-mars). Det utgjer ein auke på 0,4 prosentpoeng i sysselsettingsprosenten.

• OVERBLIKK:  ​Slik ser arbeidsmarkedet ut akkurat nå

Den sesongjusterte arbeidsløysa hadde ein nedgang med 4.000 personar frå november til februar, arbeidsløyseprosenten gjekk ned frå 4,0 til 3,9 prosent. Dette er innanfor feilmarginen i AKU.

Talet på registrerte arbeidslause og ordinære tiltaksdeltakarar hos NAV gjekk ned med 4.000 personar frå november til februar.

Annleis utvikling enn elles i Europa

Ifølgje tal frå Eurostat var sysselsettingsprosenten i Noreg i aldersgruppa 20-64 år på 78,1 prosent i fjerde kvartal 2017.

Sidan fjerde kvartal 2014 har det vore ei anna utvikling i sysselsettingsprosenten i Noreg enn i andre europeiske land. Mens dei andre landa har hatt ein auke, har det vore ein liten nedgang i Noreg fram til fjerde kvartal 2017.